స్టార్ మా టీవీలో ప్రసారమవుతున్న సీరియల్ ' ఎటో వెళ్లిపోయింది మనసు'. ఈ సీరియల్ గురువారం నాటి ఎపిసోడ్ -46 లో.. సీతాకాంత్ తో రామలక్ష్మి మంచిదంటు సిరి చెప్పి వెళ్తుంది. ఆ తర్వాత రామలక్ష్మి గురించి సీతాకాంత్ ఆలోచిస్తాడు.. అసలు నేను రామలక్ష్మిని తప్పుగా అర్థం చేసుకున్ననా అని అనుకుంటాడు. అప్పుడే రామలక్ష్మి ఫోన్ చేస్తుంది. సీతాకాంత్ లిఫ్ట్ చెయ్యడు. రెండవసారి లిఫ్ట్ చేస్తాడు. ఎందుకు పదే పదే చేస్తున్నావ్ మాట్లాడడం ఇష్టం లేదని అర్థం చేసుకోలేవా అని సీతాకాంత్ అంటాడు. మాట్లాడడం ఇష్టం లేకపోతే కట్ చేస్తారు ఆలా అని ఫోన్ చూస్తూ ఉండరని రామలక్ష్మి అంటుంది.

సర్ మీతో కలిసి మాట్లాడాలి.. మనం  ప్రాబ్లమ్ ని సాల్వ్ చేసి ధన సిరిలని ఒకటి చెయ్యాలని రామలక్ష్మి అనగానే.. సీతాకాంత్ సరే అంటాడు. ఆ తర్వాత సీతాకాంత్ కోసం రామలక్ష్మి గుడిలో వెయిట్ చేస్తుండగా  కాసేపటికి అక్కడికి సీతకాంత్ వస్తాడు. మీరు నన్ను తప్పుగా అర్థం చేసుకున్నారు. రెండు విషయాలలో తప్పు చేశాను.. ధన మీ చెల్లిని ప్రేమిస్తున్నాడని తెలిసి మీకు చెప్పలేదు.. రెండవది మీరు ఆటో వెనకాల మాణిక్యం అంటు వెళ్తుంటే ఎందుకు మాణిక్యం అని అడిగి తెలుసుకున్నాను.. అపుడు అతనే మా నాన్న మాణిక్యమని మీకు చెప్పలేకపోయాను. ఆ రెండు విషయాల్లో మీరు మా వాళ్ళని ఏమైనా చేస్తారనే భయంతో చెప్పలేదు.. నేను మోసం చేశానని అనుకుంటుంటే నేను భరించలేను.. నా తప్పు ఉంటే క్షమించండి అని సీతాకాంత్ తో రామలక్ష్మి చెప్తుంది. అది విన్న సీతాకాంత్ నేను రామలక్ష్మిని తప్పుగా అర్థం చేసుకున్నానని మనసులో అనుకొని అక్కడి నుండి వెళ్ళిపోతాడు.

ఆ తర్వాత రామలక్ష్మి, సీతకాంత్ ల పెళ్లి ఎందుకు చేస్తున్నానో నాకు తెలుసు.. నీకు తెలుసు శ్రీలత అంటు మాణిక్యం అనుకుంటాడు. వాళ్ళ పెళ్లి ఎందుకు చెయ్యాలి అనుకుంటున్నావో నాకు తెలుసని శ్రీలత అనుకుంటుంది. అప్పుడే సందీప్ వచ్చి ఎందుకు టెన్షన్ పడుతున్నావని అడుగుతాడు. ఎట్టి పరిస్థితులలో సీతాకాంత్ పెళ్లి చేసుకోకూడదు. మరీ ముఖ్యంగా రామలక్ష్మిని చేసుకోకూడదని సందీప్ తో శ్రీలత అంటుంది. ఆ తర్వాత అభి, రామలక్ష్మి ఇద్దరు మాట్లాడుకుంటుంటే.. సీతాకాంత్ వర్షంలో తడవడం రామలక్ష్మి చూస్తుంది. రామలక్ష్మి అక్కడికి వెళ్లి ఇంటికి వెళ్ళండి సర్ అని పంపిస్తుంది.. తనపై చూపించే కేరింగ్ కి సీతాకాంత్ ఇంప్రెస్ అవుతాడు. ఆ తర్వాత రామలక్ష్మిని కలిసిన విషయం వాళ్ళ తాతయ్యకి సీతాకాంత్ చెప్తాడు. రామలక్ష్మిని పెళ్లి చేసుకోమని పెద్దాయన చెప్పగానే.. మాకు ఇద్దరికి ఏజ్ లో గ్యాప్ ఉంది. అంతే కాకుండా అభిమానంతో పెళ్లి చేసుకోమని అడగలేనని సీతాకాంత్ చెప్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.